Та Лолита загварын талаар сонсож байсан уу? Лолита загвар нь Япон улсад үүссэн, Викторийн болон Рококо үеийн хувцаснаас санаа авсан өвөрмөц хувцасны хэв маяг юм. Энэ нь зөвхөн гоёмсог хувцаслалтыг бус, хувь хүний өөрийгөө илэрхийлэх соёлыг мөн илтгэдэг. Энэхүү танилцуулгаар Лолита загварын үүсэл, онцлог, төрлүүдийн талаар товчхон танилцуулъя.

      Lolita (ロリータ) нь Японд үүссэн, хувцас загварт төвлөрсөн дэд соёл бөгөөд Викторийн болон Рококо үеийн охид, залуу бүсгүйчүүдийн хувцаслалтын хэв маягаас санаа авсан байдаг. Энэ нь залуу эмэгтэйчүүд бусдын үзэл бодол болон эрэгтэйчүүдийн харах өнцөгт нийцүүлэн бүтээгдсэн эмэгтэй хувцасны чиг хандлагыг үл тоомсорлон, өөрсдийн хүссэнээр хувцаслахыг эрмэлзсэнээс үүсэлтэй.

     Энэхүү загварын хамгийн онцлог шинж нь тодорхой хэлбэрийн эсгүүртэй даашинз эсвэл банзалны доор petticoat (юбканы доод давхар хөвсгөр банзал) өмссөнөөр бий болдог өвөрмөц дүрс (силуэт) юм. Мөн түүхэн үеийн охидын хувцсанд түгээмэл хэрэглэгддэг тор, туузан зангилаа буюу эрвээхэй зангиа, хуниас зэрэг чимэглэл нь Lolita хувцаслалтын зайлшгүй хэсэг болдог. Гэхдээ эдгээр элементүүдийг өөр өөр байдлаар ашиглан өвөрмөц өнгө төрх бүрдүүлдэг олон төрлийн дэд хэв маяг бий.

     Лолита бол хувцас загварт төвлөрсөн дэд соёл учраас зөвхөн энэ хэв маягийн хувцсыг өмсдөг хүмүүсийг л Лолита дэд соёлын нэг хэсэг гэж үздэг. Бусад загварын дэд соёлын нэгэн адил гол анхаарал нь хувцаслалт болон түүний харагдах байдалд төвлөрдөг. Харин Лолита хувцаслалтаас гадуурх дүр төрх, гоо зүй нь ихэвчлэн Dollcore (Хүүхэлдэй шиг хэв маяг), Kawaii (Эгдүүтэй), эсвэл Gothic (Бараан, нууцлаг хэв маяг) зэрэг өөр гоо зүйн чиглэлүүдтэй холбоотой байдаг.

     Гэсэн хэдий ч Лолитад заримдаа “амьдралын хэв маяг” гэсэн ойлголт байдаг. Үүнд зарим Лолита хувцас өмсөгчид гүнж шиг уур амьсгалтай үйл ажиллагаанд, тухайлбал цайны ёслолд оролцох зэрэг зүйлсийг багтаадаг. Харин 2018–2020 оноос хойш ийм амьдралын хэв маягийг дагах нь харьцангуй түгээмэл биш болсон бөгөөд заавал хийх шаардлагагүй гэж үздэг болсон. Лолита соёлын үндсэн төв нь үргэлж гоёмсог хувцас цуглуулах, тэдгээрийг хооронд нь уялдуулан өвөрмөц төрх бүрдүүлэх явдал байсаар ирсэн.

            Лолита загварын төрлүүд:

• Сонгодог Лолита
• Тансаг Лолита
• Готик (бараан) Лолита
• Этгээд Лолита
• Хөдөөний Лолита
• Хуучны Лолита
• Усан цэрэг Лолита
• Гүнжлэг Лолита
• Гуро (аймшгийн) Лолита
• Ва ( япон үндэсний) Лолита
• Чи (хятад үндэсний) Лолита
• Далайн дээрэмчин Лолита
• Кибер (цахим) Лолита
• Гэлэнмаа Лолита
• Сувилагч Лолита
• Хижаб Лолита
• Широ (хар, цагаан) Лолита
• Энгийн (өдөр тутмын) Лолита
• Деко (их хэмжээний чимэглэлт) Лолита
• Стиймпанк (шинжлэх ухааны) Лолита
• Мори (нэгэн хэвийн) Лолита
• Цэрэг Лолита

Г.МӨНГӨНХӨЛӨГ