Бүгд найрамдах Польш улсад болох “Варшавын Олон Улсын кино наадам”-д Монгол уран сайхны кино оролцож байна. Энэхүү  наадамд 50 орчим орны 100 гаруй киноноос шилдгүүдээ шалгаруулж буй аж. Түүний нэг нь жүжигчин Д.Баттөмөрийн найруулагчаар ажилласан анхны кино болох "Трио" юм. Эл кино нь даунтай хүүхэд тоглосон анхны монгол кино билээ. Кино наадам өнөөдөр  өндөрлөнө.

"Трио" уран сайхны киноны тухайд “Тайландын Олон улсын кино наадам-2022”-д, АНУ-д болох “Palm Springs International Down Syndrome Film Festival”-д тус оролцоод буй билээ. Мөн Монгол дахь нээлтээ өчигдөр "Улаанбаатар" олон улсын кино наадмын зургаа дахь өдөр хийсэн юм.