“Дарханы төмөрлөгийн үйлдвэр”-ийн захирал Г.Дугаржавыг АТГ-аас шалгаж, тавдугаар сарын 28-нд баривчилсан талаар бид мэдээлсэн.

    Тодруулбал, түүнийг улсад их хэмжээний хохирол учруулсан гэх хэргээр шалгаж байсан гэх. Тэрбээр эрх мэдэл, албан тушаалын байдлаа урвуулан ашиглаж, компаниудад төмрийн баяжмалыг хууль бусаар өгч, татваргүй хилээр гаргасан байж болзошгүй гэх үндэслэлээр хуулийн хяналтын байгууллагаас шалгаж эхэлсэн аж.

    Түүнийг шалгаж эхэлсэнтэй холбоотой албан тушаалаас нь чөлөөлөх асуудал яригдаж байгаа аж. Тэгвэл Г.Дугаржавын оронд Эдийн засгийн хөгжлийн сайд Ч.Хүрэлбаатар өөрийн хүнээ зүтгүүлж эхэлсэн гэх мэдээлэл байна Тодруулбал, өдгөө "Эрдэнэс Монгол" ХХК-ийн нэгдсэн стратеги, бизнес хөгжлийн газрын ахлах менежер Я.Өлзийболдыг "Дарханы төмөрлөгийн үйлдвэр"-ийн даргаар томилуулахаар ярьж эхэлжээ.