“Ашигт малтмал хайх, ашиглах зориулалтаар газар, түүний хэвлийг тусгай зөвшөөрлөөр олгох, төлбөр, татвар ногдуулах, хураахтай холбоотой үйл ажиллагаанд хяналт шалгалт хийх” сонсгол аймаг, нийслэлийн засаг дарга нарын олгосон тусгай зөвшөөрлийн талаарх мэдээллээр үргэлжилж байна.

     Энэ үеэр нутгийн захиргааны байгууллагаас ашигт малтмал хайх, ашиглах зориулалтаар олгож байгаа зөвшөөрөл, түүний хэрэгжилтийн байдалд хийсэн шинжээчийн дүгнэлттэй танилцаж байна. Тэгвэл ашигт малтмалын хайгуул ашиглалтын болон түгээмэл дархацтай тусгай зөвшөөрлийг зэрэгцүүлэн олгосон байдлыг харьцуулан гаргажээ.

   Энэ үеэр шинжээч Говь-Алтай аймагт таван газар тусгай зөвшөөрөл давхцуулан олгосон хэмээн мэдээлсэн юм.

Говь-Алтай аймгийн Засаг даргын Тамгын газрын дарга Ш.Эрдэнэбат "Түгээмэл тархацтай ашигт малтмалын хайгуулын 12 лиценз Говь-Алтай аймагт бий. Шинжээчийн дүгнэлтээр таван тусгай зөвшөөрөл давхцсан гэж гарлаа. Энэ бол эндүүрэл. Энэ 12 газар давхцалгүйгээр зөвшөөрөл өгсөн газруудын дагуу бүртгэл нь явж байгаа. 2009 оны Засгийн газрын тогтоолоор 86 дугаар тогтоолоор Говь-Алтай аймгийн төвийг тусгай хэрэгцээнд авчихсан. Тэгэхээр аймгийн төв дээр түгээмэл тархацтай ашигт малтмалын тусгай зөвшөөрөл олгох боломжгүй байдаг. Тиймээс тусгай хамгаалалттай газраас нь гаргаж өгөхгүй бол иргэд 50,60 км явж элс хайрга ачдаг, үүнээс болж хэрэг зөрчил үүсэж байна. Засгийн газрын тогтоолыг нэр бүхий кординаттай газруудад түгээмэл тархацтай ашигт малтмал олгох зөвшөөрөл олгооч гэдэг хүсэлтээ удаа дараа илэрхийлсэн" гэлээ.