Улсын Их Хурлын чуулганы хуралдаанаар Үндсэн хуулийн цэцийн гишүүдийг томилох, чөлөөлөх асуудлыг хэлэлцэж байгаа. Энэ үеэр УИХ-ын гишүүн Ц.Даваасүрэн “Цаашид УИХ-ын гишүүн байсан хүнийг Үндсэн хуулийн цэцэд томилдог болох хэрэгтэй. Ц.Мөнх-Оргил, Ж.Сүхбаатар гэх хүмүүс УИХ-аас гарч байна. Адаглаад УИХ-д суучихсан хүмүүс томилогдох ёстой гэж боддог. Үндсэн хуулийн цэцэд томилогдсон гурван хүнийг дэмжинэ. Сайн, муу гэдэг тал дээр үг хэлэхгүй. Өнгөрсөн хугацаанд ажиллаж байсан гишүүд шигээ цэцийг битгий баллаарай. Өнгөрсөн хугацаанд ажилласан хүмүүс цэцийн манаач биш, самрагч байсан. Жишээ дурдвал, Үндсэн хуулийн өөрчлөлт хийсэн. Үндсэн хуулийн зарчмыг алдагдуулж тайлбарласан. 2016 онд  намын жагсаалтыг байж болохгүй гэх дүгнэлт гаргачихаад дараа нь үгүйсгэсэн. Эцсийн шийдвэрээр эргэж харж тэнэгтсэн. Та нар ийм байж болохгүй. Хүн бүтэн нүүртэй ажиллах хэрэгтэй. Зарим нь сонгогдчихоод “Цэцийн дээр хөх тэнгэрээс өөр зүйл байхгүй” гэж дураараа загнадаг. Тэгэх юм бол улс орны хувь заяа тогтворгүй болно. Та нар бол Үндсэн хуулийн цэц” гэсэн юм.