“Ашигт малтмал хайх, ашиглах зориулалтаар газар, түүний хэвлийг тусгай зөвшөөрлөөр олгох, төлбөр, татвар ногдуулах, хураахтай холбоотой үйл ажиллагаанд хяналт шалгалт хийх” сонсгол аймаг, нийслэлийн засаг дарга нарын олгосон тусгай зөвшөөрлийн талаарх мэдээллээр үргэлжилж байна.

Энэ үеэр нутгийн захиргааны байгууллагаас ашигт малтмал хайх, ашиглах зориулалтаар олгож байгаа зөвшөөрөл, түүний хэрэгжилтийн байдалд хийсэн шинжээчийн дүгнэлттэй танилцаж байна. Тэгвэл ашигт малтмалын хайгуул ашиглалтын болон түгээмэл дархацтай тусгай зөвшөөрлийг зэрэгцүүлэн олгосон байдлыг харьцуулан гаргажээ.

Тодруулбал, Баянхонгор, Говь-Алтай, Дархан-Уул, Дорноговь, Дундговь, Өвөрхангай, Өмнөговь, Сэлэнгэ, Төв, Ховд, Хэнтий аймаг хайгуулын болон ашиглалтын тусгай зөвшөөрлийг зэрэгцүүүлэн олгожээ. Энэ нь хуулийн хүрээгээр авч үзэхэд ашиг сонирхлын зөрчилтэй байж болзошгүй гэж үзэж байгаа юм байна. Үүнээс хамгийн олон хайгуулын болон ашиглалтын тусгай зөвшөөрөл олгосон нь Дундговь, Сэлэнгэ аймаг байна. Дунд говь аймгийн хувьд жоншны нөөц бүхий газарт түгээмэл тархацтай хайгуулын зөвшөөрөл олгожээ. Сэлэнгэ аймгийн тухайд алтны нөөцтай газарт тусгай зөвшөөрөл олгосон давуу байдал үүсгэсэн байж болзошгүй гэж үзэж байгаа юм байна.