"Ашигт малтмалын лиценз"-тэй холбоотой нотлох баримтыг шинжлэн судлах сонсгол өнөөдөр болж байна.

           Энэ үеэр Хянан шалгах түр хорооны гишүүн Ш.Адьшаа "Өнөөдрийн хэлэлцэх асуудалд байгаа арваас дээш тооны тусгай зөвшөөрөл эзэмшиж байгаа хуулийн этгээдийн тухай мэдээлэл орж ирсэн. Ховд аймгийн Дарви суманд байдаг хөшөөтийн уурхайг эзэмшдэг "МонЭнКо" гэх гадаадын хөрөнгө оруулалттай компанийн талаар тусгайлан ярья. Хөшөөтийн уурхай бол улсын төсвийн хөрөнгө оруулалтаар хайгуул хийсэн стратеги орд. 2010 онд энэхүү ордыг хэн, ямар зорилгоор Хонконгийн хөрөнгийн бирж дээр худалдсан асуудлыг Түр хорооны гишүүний хувьд тавьсан ч тухайн компанийн асуудал сонсголд орж ирээгүй байна. Ямар учраас энэ компанийн асуудал орж ирээгүй вэ гэдэгт хариулт хүсэж байна" гэв.

         Хянан шалгах түр хорооны гишүүн, сонсгол даргалагч Б.Энх-Амгалан "МонЭнКо" ХХК-ийн асуудал маргааш хуралдах сэдэвт орж байгаа" гэсэн хариуг өглөө.