Ардчилсан намын Удирдах зөвлөлийн хурал үргэлжилж байна. Энэ үеэр Ардчилсан намын Улс төрийн зөвлөлийн гишүүн, эдийн засагч З.Нарантуяа сэтгүүлчдийн асуултад хариуллаа.

        Тэрбээр “Хурал арай дуусаагүй байна. Сонгон шалгаруулах  хорооны саналыг Улс төрийн зөвлөлийн хурлаар хэлэлцэх гээд хүлээж байна. УИХ-д нэр дэвшихээр саналаа илэрхийлсэн байгаа. Тойрогтоо дэвших үү, жагсаалтаар дэвших үү гэдгийг Улс төрийн зөвлөлөөс шийднэ. Би тав дахь удаагаа УИХ-д нэр дэвшиж байна. Дөрвөн удаа тойрогт нэр дэвшсэн учраас энэ удаа жагсаалтаар дэвшүүлэх болов уу гэсэн хүлээлттэй байна. Эрэмбийг хэн ч мэдэхгүй. Хуулийн дагуу эрэмбэлэхдээ эрэгтэй, эмэгтэй гэж солбиж бичих ёстой. Ер АН нэр дэвшүүлэхдээ нэг зүйлийг онцгой анхаараасай гэж бодож байна.  Иргэд шударга, нийгмийн салбар бүрийн төлөөллийг оролцуулсан, чадвартай, мэдлэгтэй хүмүүсийг явуулаасай гэж байгаа. Тиймээс аливаа зүйлтэй нэр холбогдсон хүмүүс нэр дэвшихгүй байх гэж найдаж байна гэв.