УИХ-ын гишүүн Н.Алтанхуяг цаг үеийн асуудлаар мэдээлэл хийлээ.

                Тэрбээр “Би Сонгинохайрхан дүүргээс хоёр ч удаа УИХ-ын гишүүн болж байсан. Миний нэр энд ирсэн байгаа. Гэхдээ шийдвэрийг би биш намын дамжлагаар явж, эцэслэн шийдэгдэнэ.  Аль ч байдлаар шийдсэн би ажиллана даа.  Авлига дээр АН, МАН гэхгүй байлгүй дээ. Монголын нийгэм авлигад идэгдээд дууслаа шүү дээ. Тийм хэрэгт холбогдсон хүмүүсийг аль ч нам дэвшүүлэхгүй байх. Би хоёр сар Хөгжлийн банкны хуралд суугаад цагаатгагдсан шүү дээ.  Би 1990 оноос хойш нэр дэвшиж байна. Нэг удаа УИХ-ын  гишүүн болох миний амьдралын зорилго биш. Тэгээд ч улс орон ийм байгаа цаг үед өөрийн хувийн эрх ашгаа бодох бодол надад байхгүй. Манай нам намайг хаана оч гэнэ, тэнд дэвшинэ.  Би АН-ын даргаар зургаан жил ажилласан, бид таван ч удаагийн сонгуульд ялж байсан. Олон жил ялагдлаа, найман жил Монголын ард иргэд хохирлоо” гэлээ.