МАН-ын Бага хурал өнөөдөр 19:00 цагаас хуралдахаар болсон. МАН-ын Бүлгийн дарга Д.Тогтохсүрэн цаг үеийн асуудлаар мэдээлэл өглөө. Тэрбээр “Энэ жилийн сонгуулиар гишүүд тойргоос болон намын жагсаалтаар нэр дэвшихээр болсон. Тойрогт нэр дэвшигчдийн хувьд тухайн тойрогтоо хамгийн нэр хүндтэй олон түмний санал бодлыг илэрхийлэх хүмүүс тойрогт нэр дэвшинэ. Улс төрийн намын тухай хуулийн өөрчлөлт хийгдсэн. Нэгдүгээрт, нийгмийн төлөөлөл болсон хүнийг намаас дэвшүүлнэ. Тэгэхээр манай нам шалгуур тогтоох ёстой. Багш нарын төлөөлөл, малчдын төлөөлөл байх ёстой гэсэн үг. Өөрөөр хэлбэл, нийгмийн төлөөллийг хангах ёстой. Манайх бусад намын хувьд үүрэг, хариуцлага хүлээсэн нам шүү  дээ. Би жагсаалтаар нэр дэвшихгүй. Тойргоос нэр дэвшинэ. Манай нам зарчим ярьж байгаа болохоор хурал хойшлогдож байгаа. Бид зарчмаа барина” гэв.