УИХ-ын сонгуульд нэр дэвшигчдээ улс төрийн намууд энэ сарын 20-нд зарлах гэж байна. Эрх баригч намын хувьд энэ амралтын өдрүүдэд намын Бага хуралдаанаа хуралдуулж, нэр дэвшигчдээ зарлах тов гаргаад байгаа бол Ардчилсан нам 19-нд Үндэсний бодлогын хороогоо хуралдуулахаар болжээ. Улмаар тойргоос болон жагсаалтаар нэр дэвшигчдийн нэрсийг зарлахаар бэлтгэлээ хангасан гэх.

        Ардчилсан намын дарга Лу.Гантөмөр хэд хэдэн хүнийг “мурих” төлөвлөгөөтэй байгаа гэнэ. Тэр намаасаа горилж яваа, гар нийлж ажиллахаар амлалт өгсөн хамтрагч гишүүдийнхээ дэнчинг авч намын санхүүжүүлтээ босгоод, В төлөвлөгөөгөөр ажиллах хар зургаа хэдийнэ зурчихсан аж.

            Энэ жагсаалтыг Сангийн сайд асан, Ардчилсан намын Тэргүүн дэд дарга С.Баярцогт тэргүүлэх бололтой. Өөрөөр хэлбэл, авлига, албан тушаалын гэмт хэрэгт холбогдсон гишүүдээ Лу.Гантөмөр дэвшүүлэхгүй байх тохироо хийсэн хийсэн тул Сангийн сайд асан С.Баярцогтыг жагсаалтад багтаахгүй гэх нууц тохироотой байгаа гэнэ. Өөрөөр хэлбэл, намын жагсаалтад багтах гишүүдийнхээ нэрсийг Лу.Гантөмөр ихэд нууцлаж, зарласан даруйдаа харь орноос сонгуулийн ажлаа хийх хар зураг гаргасан гэх бор шувуу нисэж эхэллээ.