МАН-ын Бага хурал болж байна

Б. Бадралмаа:
Улс төр

2021-01-10, 960

Монгол Ардын нам өнөөдөр /2021.01.10/ Бага хурлаа цахимаар зохион байгуулж байна. Хуралдаанаар МАН-ын 30-р их хурлын товыг зарлах болон бусад асуудлыг хэлэлцэж байгаа аж. Тодруулбал, Монгол Ардын Намын ээлжит 30 дугаар Их хурлыг зарлан хуралдуулах товыг хэлэлцэх, Их хурлын төлөөлөгчдийг сонгох тухай, Монгол Ардын намын Удирдах зөвлөлийн тайлан илтгэлийг сонсох юм байна. Бага хуралд 336 төлөөлөгч онлайнаар оролцож байгаа бөгөөд хуралдааныг нээж, Монгол Улсын Ерөнхий сайд, МАН-ын дарга У.Хүрэлсүх үг хэлжээ.

Хуралдааныг нийслэл хот, 21 аймаг, 330 сумаас шууд онлайнаар зохион байгуулж, 71 хувийн ирцтэй эхэлсэн байна. Монгол Ардын Намын Ерөнхий нарийн бичгийн дарга Д.Амарбаясгаланг хуралдаан даргалагчаар, орлогч даргаар УИХ-ын гишүүн Х.Булгантуяа нарыг гишүүдийн 100 хувийн саналаар сонгов. Энэ удаагийн Бага хурлаар дараах гурван асуудлыг хэлэлцэхээр товложээ.

Тус намын 30-р их хурлыг 2021 оны гуравдугаар сарын 1-нд товлох саналыг намын Удирдах зөвлөлөөр оруулжээ. Тиймээс Бага хурлаар намын Их хурлыг товлож, Их хурлаар 2021 оны Ерөнхийлөгчийн сонгуульд нэр дэвшигч болон намын үйл ажиллагааг дүгнэх, улс төрийн илтгэл, тайлан дүрэмд өөрчлөлт оруулах, зохион байгуулалтын асуудал зэргийг хэлэлцэхээр төлөвлөж байгаа гэнэ.

МАН-ын Бага хурал болж байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2021-01-10 13:15:27

Туул: МАН намаас сонгохгүй ээ.Ард түмэн одоо ойлгосон шүү.Хүрэлсүхээ битгий горьдоод,Сонгуулиа буруу өгсөнөө бүгд мэдэрлээ.