Зудын эрсдэлтэй холбоотой асуудлаар Засгийн газраас арга хэмжээ авч хэрэгжүүлж байна.

Тэгвэл  өнөөдөр Шадар сайд С.Амарсайхан арилжааны банкуудын төлөөллүүдтэй уулзжээ. энэ үеэр малчдын зээлийн эргэн төлөлтийг хойшлуулах санал солилцсон байна. Улмаар 140 мянга гаруй малчдын 1.2 их наяд төгрөгийн зээлийн эргэн төлөлтийг хойшлуулах асуудал дээр санал нэг нэгдсэн байна. Энэ талаар Шадар сайдын хэвлэл мэдээллийн албатай холбогдон тодруулахад "Малчдын зээлийн эргэн төлөлтийг хойшлуулах талаар арилжааны банкуудтай зөвшилцсөн. Зөвшилцөлд хүрчихсэн учраас Их хурлаар хэлэлцүүлэхгүй шууд хэрэгжих боломжтой" хэмээн мэдээллээ. 

Нийт малчны зээлийн үлдэгдлийн 48.5 хувийг Хаан банк, 51.2 хувийг Төрийн банк тус тус бүрдүүлж байна.