Засгийн газрын ээлжит бус хуралдааны шийдвэрийг танилцуулах үеэр Авлигатай тэмцэх газрын дэд дарга Г.Азжаргал мэдээлэл өглөө.

    Тэрбээр “Авлигатай тэмцэх газар, Цагдаагийн байгууллага, Тагнуулын газраас нийслэлийн Прокурорын хяналттай мөрдөн шалгах ажиллагаа явуулж байна. Ингэхдээ нүүрсний хулгайн хэрэгт таван үндсэн чиглэлээр шалгалтын ажиллагааг явуулж байна. Нэгдүгээрт, нүүрсийг бүртгэлгүйгээр нэвтрүүлсэн, ухсан, олборлосон асуудлыг шалгаж байна. Хоёрт, нүүрстэй холбоотой гэрээний асуудлыг шалгаж байна. Гуравт нь, тээвэртэй холбоотой асуудлыг ч шалгаж байна. Мөн төслийн санхүүжилттэй холбоотой асуудлыг шалгах чиглэлд ажиллаж байна” гэв.