Монгол Улсын өнөөдрийг хүртэл коронавирусийн халдварыг дотооддоо алдаагүй улс байсан. Харин Халдвартай өвчин судлалын үндэсний төвд ажиллаж байсан сувилагчаас коронавирусийн халдвар илэрснээр дотооддоо халдвар алдсан анхны тохиолдол бүртгэгдэв.  

Ийнхүү коронавирусийн халдвартай холбоотой шинэ нөхцөл байдал үүссэн учраас Улсын онцгой комисс маргааш 10.00 цагаас хуралдахаар болжээ. Тус хуралдаанаар коронавирусээс ард иргэдээ хамгаалахын тулд ямар арга хэмжээ авах талаар хэлэлцэх юм байна.

Монгол Улсад нийт батлагдсан тохиолдол 356 болж, үүнээс 314 буюу 89.2 хувь нь эдгэрсэн. Нийт 310 хүний ажиглалт, тандалтын хугацаа дууссан бөгөөд гэрийн ажиглалтад гурван хүн, сувилалд нэг хүн байна. Өнөөдрийн байдлаар ХӨСҮТ-д 41 хүн эмчлүүлж буй ажээ. Тэдний 37 нь хөнгөн, дөрвөн хүний биеийн байдал хүндэвтэр байна гэж ЭМЯ-наас мэдээллээд буй.