Дэлхийд тэргүүлэгч сансрын технологийн “SpaceX”, цахилгаан автомашины “Tesla” компанийг үүсгэн байгуулагч, дэлхийн тэргүүн баян Элон Маск удахгүй болох АНУ-ын Ерөнхийлөгчийн сонгуульд нэр дэвшигчдийг хэн ч хөнөөх гэж оролдохгүй байгаа тухай жиргэжээ. Тухайлбал, Элон Маск өөрийн албан ёсны “Twitter” хуудастаа “Ерөнхийлөгчийн сонгуульд нэр дэвшиж байгаа экс Ерөнхийлөгч Дональд Трамп, дэд Ерөнхийлөгч Камала Харрис хоёрыг хэн ч хөнөөж гэж оролдохгүй байгаа нь хачирхалтай биш гэж үү” гэсэн утгатай дүрст бичлэг оруулсан байна. Хэдий тэргүүн баян нэр дэвшигчдийн талаарх жиргээгээ удалгүй устгасан ч АНУ-ын Нууц алба Элон Маскийг шалгаж эхэлсэн талаар олон улсын хэвлэлүүд мэдээлж байна.

Түүнчлэн барууны хэвлэлүүд Цагаан ордонд суух төрийн тэргүүний төлөө нэр дэвшиж байгаа Дональд Трампыг өнгөрсөн амралтын өдөр хувийн гольфийн талбай дээр нь хөнөөх гэж завдсан талаар мэдэгдээд буй. Харин Элон Маскийн оруулсан жиргээ нь Д.Трампыг хөнөөх гэж завдсанаас ердөө хэдхэн цагийн дараа орсон бөгөөд үүнтэй холбогдуулан Нууц албанаас Элон Маскийн жиргээг “Анхааралдаа аван шалгаж эхэлсэн” талаараа мэдээлжээ. Элон Маск энэ тухай “Тоглоом шоглоом болгох гэж оруулсан” хэмээн мэдэгдсэн ч экс Ерөнхийлөгчийг хөнөөх гэж завдсан хэрэгт шалгагдахаар болж байгаа аж.