БНХАУ-ын зүүн хойд Шаньдун мужид уурхай дэлбэрч 22 уурхайчин хоёр хоногийн турш дарагдаад байна. Дэлбэрэлтийн үеэр харилцаа холбоо тасарч, дарагдсан уурхайчидтай холбогдох боломжгүй болжээ. Хятадын эрх баригчид мягмар гарагт буюу өнөөдөр уурхайчдыг аврах баг илгээсэн хэмээн мэдээллээ. Дэлбэрэлт ням гарагийн үдээс хойш болсон бөгөөд Шаньдун мужийн Ксиа хотын ойролцоо болсон байна. 

Уг дэлбэрэлт Хятадын дөрөв дэх том уурхай ба "Shandong Wucailong Investment Co Ltd" компанийн эзэмшлийн Жаожин уурхайд болсон байна. Хятадад уул уурхайн осол гарах нь элбэг бөгөөд энэ нь аюулгүй ажиллагааны үзүүлэлт муу, дүрэм журмаа зохих ёсоор хэрэгждэггүйтэй холбоотой. 

Өнгөрсөн есдүгээр сард нэгэн уурхайд нүүрстөрөгчийн дутуу исэлд уурхайчид хордож, гал түймэр гарснаар 18 хүн нас барсан хэрэг гарчээ. Аюулгүйн албаныхан 17 хүнийг татаж гаргасан ч ганц  л хүн амь гарчээ. Арванхоёрдугаар сард 23 хүн уурхайд дарагдаж нас барсан хэрэг бас гарч байв. Хятадад жилийн дотор 170 осол гарч, 316 хүний амь эрсэдсэн хэмээн "People Daily's"- мэдээлжээ.