Европын холбоо коронавирусийн эсрэг вакциныг иргэддээ тарьж эхэлсэн бөгөөд энэ тухай "Эв нэгдлийн сэтгэл хөдөлгөсөн мөч" хэмээн мэдэгджээ. Европын холбооны комиссын  ерөнхийлөгч Урсула Лайен өнгөрсөн бямба гарагт Пфизер вакциныг Европын холбооны 27 гишүүн оронд тарааснаа баяртайгаар мэдээллээ. Зарим орон вакцин хүлээж авсан даруйдаа хэрэглэж, нэг өдөр ч алдахад хайран байна гэжээ.   Европт нийт 14 сая гаруй хүн коронавирусээс өвчилсөн бөгөөд 335 мянга гаруй хүн нас бараад байна. Европын холбооны бүхий л улс хөл хорио тогтоосон  учир коронавирусийн эсрэг вакциныг баярлан хүлээж авчээ.