Алдарт сагсан бөмбөгийн тамирчин Коби Брайантын эхнэр Ванесса Брайантыг ээж нь шүүхэд өгчээ. Түүний ээж  София Лэйн "Би хүүхдүүдийг нь олон жил үнэ төлбөргүй асарсан. Коби Брайант амьд ахуйдаа намайг насан туршдаа асарна гэж амласан. Коби Брайант нас барснаас хойш түүний амлалт хүчингүй болж, Ванесса уг амлалтыг цуцлахын тулд бүхий л зүйлийг хийсэн"  хэмээн мэдэгдсэн байна. Харин Ванесса үүнийг худал хэмээн "Тэрбээр манай гэр бүлд дарамт шахалт үзүүлж байна. Ач зээ нараа харсныхаа төлөө өдөр бүр 12 цаг ажилласан хэмээн өдрийн 96 ам.доллар надаас нэхэмжилж байна. Надаас таван сая ам.доллар, байшин, машин нэхэмжилж, Кобиг амьд байсан үеэс ч ихийг хүсэж байна. Коби амьд ахуйдаа хэзээ ч тийм амлалт өгөөгүй гэдгийг би баттай мэднэ " хэмээн мэдүүлжээ. Лэйн өнгөрсөн есдүгээр сард "Миний охин намайг гэрээсээ хөөсөн" хэмээн ярилцлага өгсөн ба үүний талаар Ванесса  "Намайг нөхөр, охин хоёроо алдсан энэ хэцүү цагт ээж маань ийм ярилцлага өгч явжээ. Бид өнгөрсөн 20 жилийн хугацаанд түүнд санхүүгийн дэмжлэг үзүүлж ирсэн" хэмээн ярьжээ.