Коронавирусийн шинэ хувилбар олдсон талаар Английн Засгийн газар мэдээлжээ. Тус улсын Эрүүл мэндийн нарийн бичгийн дарга Мэтт Хэнкок "Хамгийн багадаа 60 гаруй нутагт тохиолдол ирээд байна" гэв.

Энэхүү шинэ хувилбарыг ДЭМБ-д мэдээлсэн ба Их Британийн судлаачид уг хувьссан вируст судалгаа хийж байна. Одоогоор энэ хувьссан вирус хэр хүнд болох, вакцин үйлчлэх эсэх талаар мэдэгдэхгүй байгаа аж. Өнгөрсөн долоо хоногт Лондон, Кент, Эссэкс зэрэг газруудаар огцом тархсан хэмээн мэдээлжээ. 

"Бидний тогтоосноор 60 гаруй газар, 1000 давсан  коронавирусийн хувьссан тохиолдол илрээд байна. Энэхүү мутацад орсон коронавирусийн ямар нөлөөтэй болох нь одоогоор мэдэгдэхгүй байгаа ч вакцин хэрэглэж эхэлсэн энэ үед зайлшгүй хариу арга хэмжээ авах шаардлагатай. Голомт гарсан нутгуудыг хумих хэрэгтэй" хэмээн Засгийн газрын хуралдаанаар ярьжээ.