Цар тахлын энэ үед дэлхий нийтээр онгоцоор аюулгүй зорчих аргыг хайж байна. Өнгөрсөн арваннэгдүгээр сарын 25-ны өдөр БНХАУ-ын Иргэний тээврийн ерөнхий газар Агаарын тээврийн салбарт хяналт тавьж шинэ удирдамж гаргажээ. Энэ дунд яригдсан нэг шийдвэр нь онгоцны ажилтнууд нэг удаагийн живх өмсөж, ариун цэврийн өрөө ашиглах шаардлагагүй болох нь хүмүүсийн анхаарлыг татаад байна. Агаарын тээврийн хувьд коронавирус тусах хамгийн эрсдэлтэй хэсэг нь ариун цэврийн өрөө билээ. Итали Улсаас Өмнөд Солонгос руу зорчсон эмэгтэй маскаа гагцхүү ариун цэврийн өрөөнд тайлсан нь коронавирус туссан тохиолдол гарч байв. Нисэх тээврээр аюулгүй ажиллах аргуудыг эрэлхийлсээр байна. Япон Улсын "АНА" компани гарыг автоматаар цэвэрлэдэг технологи дээр ажиллаж буйгаа мэдэгдсэн бол нисэхийн "Бойнг" компани ариун цэврийн өрөөг хэрэглэсэн даруйд хэт ягаан туяагаар нянг 99,9 хувь устгадаг төхөөрөмжийн эрхээ аваад байгаа аж. 

Эх сурвалж: cnn.com