Өвөл болж буйтай холбогдуулан Япон болон Өмнөд Солонгос Улс коронавирусийн эсрэг арга хэмжээ авч эхэлжээ. Тэдгээр улсууд Европ болон АНУ-тай харьцуулахад коронавирусийн тархалтын тоо  харьцангуй боловч  хүйтний улирлаас шалтгаалан халдвар нэмэгдэхээс сэргийлэн арга хэмжээ авч байна. Цэргийн хүчээр нарийн дэг журмын дагуу эмнэлгийг ажилтнуудад нэмэлт хүч болгон туслахаар төлөвлөгөө боловсруулан ажиллаж эхлээд буй аж. Япон Улсын Дотоодыг хамгаалах хүчний сувилагчид халдварын голомт ихээр тархсан Осака болон Хоккайдогийн орон нутгийн эмнэлэгт туслахаар шийдвэр гаргажээ. Өнгөрсөн даваа гарагт коронавирусийн 1518 шинэ тохиолдол бүртгэгдсэн бөгөөд улсын нийт халдварын тоо 164,641 хүрч, 2395 хүн уг халдвараар нас бараад байна. 

Өмнөд Солонгос Улсад цэрэг, болон цагдаагийн албаныхан халдвар тархсан цэгүүдийг олоход нэмэлтээр туслахаар болжээ. Мөн Сөүл орчмын бүсүүдэд шинжилгээний төвүүдийн ажиллах цагийг сунгаж, амралтын өдрүүдэд ч мөн шинжилгээ авахаар зохион байгуулж байна. Өнгөрсөн даваа гарагт тус улсад коронавирусийн халдварын 594 шинэ тохиолдол бүртгэж, нийт халдварын тохиолдол 38,755 болж, 552 хүн уг халдвараар  нас баржээ. 

Мөн Хонконгт халдварын дөрөв дэх давлагаа явагдаж, төлөвлөсөн аяллуудыг цуцлах шинэ хязгаарлалтуудыг хэрэгжүүлж байна. Тайвань Улсад 200 өдрийн турш дотооддоо халдвар алдаагүй бөгөөд гарын арван хуруунд багтах зөөвөрлөгдөж ирсэн шинэ тохиолдол бүртгэгдэж буй аж.