Австрали Улсын зүүн хэсэгт байрлах Фрэйзер аралд түймэр гарч, зургаан долоон хоногийн турш  гал сөнөөгчид түймэртэй тэмцэж байна. Уг арал нь жуулчдын хөл тасардаггүй нутаг бөгөөд, арваннэгдүгээр сард хамгийн их хэмээр халжээ.  Арлын ой мод утаанд дарагдаад буй тул хүмүүсийг нүүлгэн шилжүүлэх ажил хийгдэж байгаа аж. Онцгой байдлын алба усан бөмбөг ашиглан гал түймрийг унтраах гэсэн ч нөхцөл байдал дордож магадгүй гэжээ. "Бүгд явахад бэлтгэ. Гал унтраах ангиуд ажиллаж байгаа ч бүх үл хөдлөх хөрөнгийг аварч чадахгүй байж мэднэ. Тиймээс гал сөнөөгчид гэрт чинь ирнэ гэж бүү хүлээ" гэсэн удирдамж гаргажээ.