Сүүлийн үеийн хамгийн сайхан мэдээ гэвэл коронавирусийн эсрэг багадаа гурван вакцин амжилттай туршигдаж, үр дүнгээ өгч буй нь билээ. Модернагийн вакцин халдвараас 95 хувь хамгаална гэх мэдээлэл хамгийн сүүлд гараад байгаа юм. Пфизер вакцин 90 хувь, ОХУ-ын Спутник V вакцин 92 хувийн эерэг нөлөө үзүүлснээ зарлаж дэлхий нийтэд итгэл хүлээлгээд байна.

Астразенека “Сарын зайтай хоёр тун вакцин хийлгэвэл коронавирусээс 62 хувь хамгаална” гэж мэдээлсэн боловч сайн дурынхны дунд хийсэн судалгаагаар хагас тунгаар нэг удаа, сарын дараа бүтэн тунгаар уг вакциныг хийхэд 90 хувийн үр дүн гарсан байна. ПФизер болон Модерна вакцин нь хоёр төсөөтэй технологи ашигласан бол Астразенека нь өөр технологиор бүтээгдсэн байна. Тэдгээрийн хажуугаар АНУ-ын Засгийн газраас зургаан ч төрлийн вакцин дэмжлэг хүссэн бөгөөд дэлхий даяар олон арван вакцины хөгжүүлэлт хийгдсээр байна. Гэхдээ хамгийн амжилттай буюу гуравдугаар шатандаа туршигдаж байгаа дараах вакцинууд эмнэл зүйн зөвшөөрлөө хүлээж байна.  

ПФИЗЕР БА БИОНТЕК

Пфизер нь Герман Улсын Бионтек компанитай хамтран РНХ болон мРНХ мессенжер ашиглан уг вакциныг хөгжүүлжээ. Өмнө нь гарч байсан тахлын үеүдэд уг технологийг ашиглаж байсан туршлагатай болохоор маш хурдан үр дүнд хүрсэн гэж үзжээ. Тэдэнд хэрэгтэй зүйл гэвэл тахлыг үүсгээд буй вирусийн генетикийн дарааллын мэдээллийг гарган авах. Вакцин бүтээгчдэд вирус нь бус вирусийн генетикийн дараалал нь хэрэгтэй. Бионтекийн судлаачид жижиг хэмжээний генетикийн материалын код бүхий уургийг коронавирусийн гадарга дээр тавин хэрхэн урвал үзүүлж байна вэ гэдгийг ажигласан байна. Мессенжер РНХ нь бидний биеийн эсийг таньдаг генетикийн код бөгөөд уураг үүсэхэд хэрэглэдэг. Уг вакциныг хэрэглэхэд биед вирусийн эсрэг тусгаарласан уураг үүсгэх эсийг бүтээн, дарангуйлах зарчмаар ашигладаг. Хүний дархлааны систем вирус орж ирэхэд эсрэг биет бүтээдэг.

МОДЕРНА

Модерна нь мөн мессенжер РНХ-д суурилан бүтээсэн вакцин юм. Модерна компаний вебсайтаад “Мессенжер РНХ нь эсийн хувьд үйлдлийн систем нь гэж ойлгож болно” гэж хэлжээ. Модерна нь вакцин дахь мРнх-г хамгаалах липит нано биет бүхий бүтцийг агуулсан бөгөөд энэ нь тухайн компанийн нууц аж. Модерна нь -20 хэмд тээвэрлэгдэх боломжтой, 2-8 хэмд 30 өдрийн турш тэсвэртэй байхаар бүтээгджээ.

АСТРАЗЕНЕКА

Астразенекагийн вакцин нь Оксфордын их сургуулийн судалгааны багийн хөгжүүлж буй вакцин бөгөөд энэ төрлийн вакциныг Вектор вакцин гэж нэрлэдэг. Энэ нь нийтлэг ханиадны вируст ашигладаг аденовирусийн уургийг коронавирусийн эс рүү оруулах үүрэгтэй. Аденовирус нь шимпанзед халдварладаг боловч хүнд үйлчилдэггүй. Ингэснээр бидний биед вирус дахин үржихгүйгээр генетикт инженерчлэх байдлаар ажилладаг байна. Энэхүү вакциныг хийхэд хямд боловч РНХ-гийн технологиос илүү удаан үйлчилдэг байна. Астразенека компани уг вакциныг дэлхий нийтэд хямд үнээр санал болгох гэж буй. Энэхүү вакцин нь хөргөгчний хэмд зургаан сар хадгалагдах боломжтой.

СПУТНИК V

ОХУ-ын эрдэмтдийн бүтээж буй коронавирусийн эсрэг энэ вакцин энгийн “Аденовирус тав” хэмээх энгийн ханиадны вирусийг генетикийн материалын хамт хүний биед суулгах зарчмаар ажилладаг.