Турк Улсын орон нутгийн эмнэлэгт хэвтэн эмчлүүлж байсан нэг иргэнээс сармагчны цэцэг өвчин илэрсэн талаар тус улсын Эрүүл мэндийн сайд Фахреттин Кожа албан ёсны цахим хуудсаараа мэдээлжээ. Эрүүл мэндийн сайд Фахреттин Кожа “Бид сармагчны цэцэг өвчин агаар дуслын замаар дамждаггүй болохыг мэдэж байна. Урьдчилсан дүгнэлтээс халдвартай хүний шархтай цэцэгт хүрэх, шүргэлцэх үед халдварладаг болохыг тогтоосон” гэсэн байна.

Өнгөрсөн тавдугаар сараас хойш Африкаас бусад дэлхийн 50 гаруй оронд сармагчны цэцэг өвчний 3400 тохиолдол бүртгэгдэж, нэг хүн нас баржээ. Дэлхий даяар уг өвчний тархалт нэмэгдэж байгаа холбоотойгоор илрүүлэх шинжилгээг нэмэгдүүлэхийг ДЭМБ-аас уриалж байгаа юм.