АНУ-д өнгөрсөн сард долоо хоногт хоёр удаа Азиудыг үзэн ядах сэдлээс үүдэлтэй гэмт хэрэг гарсан учир хүмүүс эсэргүүцлээ илэрхийлэн Азиудыг ялгаварлан гадуурхах үзлийн эсрэг жагсжээ. Нью-Йорк хотод болсон уг жагсаалд дуучин Рианна оролцсон байна.

Рианна болон түүний туслах Тина Троунг уг жагсаалд оролцсон зургаа өөрсдийн Инстаграм хаягтаа хуваалцжээ. Тэрбээр “Азиудыг үзэн ядахаа зогсоо” гэсэн лоозон барьсан байв.

Рианна жагсаалын үед царайгаа халхавчилсан учир хамт жагсаж байгаа хүмүүс түүнийг таниагүй байна.

Нэгэн жагсагч Рианнатай инстаграм хаягаа солилцохыг хүсэхэд Рианнагийн өөрийн хаягийг өгсөнд хэн болохыг таньжээ. Дуучин Рианна арьс өнгөөр ялгаварлан гадуурхах үзлийн эсрэг өөрийн дуу хоолойгоо илэрхийлсээр ирсэн юм.

Дуучин Рианна “Азиудыг үзэн ядалт гаарч буй нь жигшмээр юм. Бид өчигдөрхөн хайртай хүмүүсээ алдсан Азийн ард түмний төлөө зүрх өвдөж, тэдэнтэй хамт байна. Үзэн ядалт зогсох ёстой” хэмээжээ.