Дэлхийн 40 гаруй орны удирдагчид цахимаар чуулж, дэлхийн уур амьсгалын өөрчлөлтийн тухай хэлэлцэж буй билээ. Тэгвэл энэ уулзалтын үеэр АНУ-ын Ерөнхийлөгч Жо Байден “Бидэнд дэлхийн уур амьсгалын өөрчлөлттэй тэмцэхэд арван жилийн л хугацаа байна” хэмээн мэдэгджээ.

Мөн 2030 онд нүүрстөрөгчийн хийг 2005 онтой харьцуулахад 50-52 хувь буурсан байна хэмээн амлалт өгчээ.

Гэвч дэлхийн агаар бохирдол өндөртэй хоёр орон болох Хятад, Энэтхэгийн удирдагчид уг уулзалтын үеэр амлалт өгөөгүй байна.

Жо Байден “Эрдэмтэд бидэнд дэлхийн цаг уурын өөрчлөлттэй тэмцэх арван жилийн л хугацаа байна гэж үзжээ. Дэлхийн цаг уурын өөрчлөлт хямралын эдгээр жилүүдэд бид муу үр дагавраас зайлсхийх шийдвэр гаргах ёстой” хэмээн хэллээ.