АНУ-ийн ерөнхийлөгч Доналд Трамп сонгуулийн дүнг хүлээн зөвшөөрч, ерөнхийлөгчийн сонгуульд ялсан Жо Байдeнг албан ёсоор ажлаа эхлэх ёстой гэлээ. Доналд Трамп ерөнхийлөгчийн сонгуулийн дүнд сэтгэл дундуур байсан ба сонгуулийн үнэн дүнг мэдэхийн төлөө үргэлжлүүлэн тэмцэнэ гэдгээ илэрхийлээд байсан ч Засгийн газарт "хийх ёстой зүйлээ хий" хэмээжээ. Сонгуулийн ерөнхий хороо "Жо Байдeнг" үнэмлэхүй ялалт" байгуулсан хэмээн мэдэгдээд байгаа билээ. 

Жо Байден ирэх оны нэгдүгээр сарын 20-ны өдөр тангараг өргөх ёслол нь болох ба ерөнхийлөгч солигдох шилжилтийн үе өнөөдрөөс эхэлж байна. Жо Байден "Өнөөдрийн шийдвэр цар тахлыг хяналтдаа авч, эдийн засгийн хэвийн байдалд оруулах зэрэг тулгамдаад буй ажлыг хийх шаардлагатай алхам боллоо" хэмээн талархан хүлээн авлаа. 

Өнгөрсөн даваа гарагт Жо Байден гадаад бодлого, үндэсний аюулгүй байдлын гишүүдийг танилцуулсан ба Обамагийн засгийн газрын үед ажиллаж байсан мэргэжилтнүүдээр багаа бүрдүүлжээ.