Хавтаст хэрэг: Нохойд хазуулж, амиа алдсан дөрвөн настай хүү

Д. Чанцалдулам:
Эрэн сурвалжлах- Хавтаст хэргээс

2021-05-08, 5064

Эргэлт.мн мэдээллийн сайт “Хавтаст хэрэг” булангийн энэ удаагийн дугаарт нохойд хазуулж, амиа алдсан дөрвөн настай хүүгийн хавтаст хэргийг тоймлон хүргэж байна. 20.. оны .. дугаар сарын ..-нд дөрвөн настай М хүү эмээгийнхээ хашааны гадаа тоглож байгаад нохойд хазуулж, амиа алдсан байна. Нохойны эзэн Г нь нохойгоо зохих хамгаалалтгүй байлгаснаас болж, дөрвөн настай хүү эмнэлгийн анхан шатны тусламж авсан ч шархаа даалгүй нас баржээ.

Хохирогчийн ээж Х мэдүүлэхдээ “…Хэрэг болдог өдөр 06:40 цагийн үед бид ажилдаа явахаар гарсан. Нөхөр бид хоёр ажилтай болохоор хүүхдүүдээ хадам ээждээ харуулж үлдээдэг байсан. Ингээд ажил дээрээ байж байтал 13:30 цагийн орчимд миний хүү М-ийг “Нохойд хазуулчихлаа. ГССҮТ-д хүрээд ир” гэж ярьсан. Тэгээд очиход эмч нь “Танай хүүхэд найдваргүй байна. Гүрээний судас нь тасарсан, элэг сэмж нь гарчихсан байна. Анхны тусламж үзүүлсэн боловч найдваргүй байх. Ах, дүү нараа дууд, уулзуулах хүмүүсээ дууд” гэж хэлсэн.

Хэргийн талаар сонссон нь гэвэл манай гэрээс хадам ээжийн гудам хүрэх зайнд нэг айл байдаг юм. Тэр айлын хүмүүс ихэнхдээ хүнгүй байдаг бөгөөд хэрэг болдог өдрөөс өмнө 2-3 хоног хүнгүй байгаа бололтой харагдаж байсан. Харин нохой нь сул хашаагаа давж гарч ирээд яваад байсан юм. Би өглөө гарчихаад орой ирдэг болохоор тэр айлын нохой хүн рүү дайрдаг байсан эсэхийг мэдэхгүй. Ингээд тэр өдөр манай хүү хадам ээжийн гэрээс гараад явахыг манай хадам ах, эгч нар анзаараагүй юм билээ. Тэгээд хадам ах манай хүүхдийг гадаа нохойнд хазуулж байхад нь салгасан гэж байсан. Бид шоконд орчихсон байсан болохоор энэ талаар тодорхой зүйл хоорондоо ярилцаагүй юм. Талийгаач хүү маань энэ жил дөрвөн нас хүрч байгаа. Цэцэрлэгт явдаггүй...Би маш их гомдолтой байна” гэжээ.

Гэрч Н мэдүүлэхдээ “…Гэртээ байж байгаад бие засахаар гарсан чинь гадаа хүүхэд уйлах шиг болсон. Тэгээд чимээ гарсан зүг рүү харахад хунгарласан цасны цаад талд нь нэг нохой юм идээд байгаа юм уу гэмээр тонгойчихоод толгойгоо сэгсрээд байгаа харагдсан юм. Тухайн үед тэр хүүхэд харагдаагүй. Тэгээд хараад байсан чинь нохой хүүхэд хазаж байсан. Хар хурдаараа гүйгээд очиход хүүхэд уйлахгүй, дуу нь гарахгүй байсан бөгөөд намайг харчихаад гараараа даллаад байсан. Нөгөө нохой нь тэр хүүхдийн бүсэлхий орчмоос нь зуучихсан, тавихгүй сэгсрээд байхаар нь би шууд очоод чулуу шидсэн боловч салахгүй байхаар нь хашааны банз сугалж аваад тэр нохойг цохисон. Тэгээд ээж хүн дуудаад тэр хүүхдийн хамаатан нь бололтой хүмүүс гараад ирсэн байсан. Бид нийлээд модоор тэр нохойг цохиж байгаад салгасан. Тэгээд түргэн, цагдаа ирсэн. Тэр нохойны энгэр хэсэг нь цус болсон байдалтай байсан. Хүүхдийн толгой нь цус болсон байсан санагдаж байна. Уг нохой нь цагаан шаргалдуу зүстэй дундад ази үүлдрийн нохой байсан” гэжээ.

Гэрч Н мэдүүлэхдээ: “…20.. оны .. дугаар сарын ..-нд нөхөр Г бид хоёр Дорноговь аймаг явах болоод 13:00 цагийн орчимд гэрээсээ гарахдаа нохойгоо сул тавиад явсан. 2014 онд онд манай гэрт 2-3 удаа хулгай орсон болохоор нохой авч тэжээсэн. Бид хоёр гэрээс гараад Урт цагааны хажууд явж байтал хүн залгаад “Танай нохой хүн урчихлаа” гэж хэлэхээр нь гэртээ ирсэн чинь манай дундад ази үүлдрийн цагаан алаг нохой хүүхэд хазсан, хүүхэд нь тааруухан байгаа гэж хэлсэн. Манайх хүүхэд урсан нохойг аваад хоёр жил болж байгаа” гэжээ.

Шүүхийн зүгээс Хохирогчийн хууль ёсны төлөөлөгч болон шүүгдэгч, гэрч нарын мэдүүлэг, шинжээч эмч нарын дүгнэлт, хэргийн газрын үзлэг хийсэн тухай тэмдэглэл, фото зургийн үзүүлэлтүүд, гэрэл зургаар нохой таньж олуулах ажиллагаа явуулсан тухай тэмдэглэл, хохирогчийн өвчний түүх болон хавтаст хэрэгт авагдсан бичгийн нотлох баримтыг шинжлэн судлаад шүүгдэгч Г-д 2002 оны Монгол Улсын Эрүүгийн хуулийн тусгай ангийн 201 дүгээр зүйлийн 201.2 дахь хэсэгт зааснаар ял шийтгэл оногдуулах үндэслэлтэй байна гэж үзэж, 2.6 жилийн ял оноожээ.

Эх сурвалж: Монголын Криминологичдын холбоо

Хавтаст хэрэг: Нохойд хазуулж, амиа алдсан дөрвөн настай хүү

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 9

Сэтгэгдэл үлдээсэн: 2021-05-11 00:05:50

Mgl: Nohoigoo olon honogoor orhij yavsanaas ih ulssun yum bish uu. Salahgui bsan geheer.
Сэтгэгдэл үлдээсэн: 2021-05-10 16:39:28

Төрөө: Эргүү мал чулуу түүж хашааны банзтай ноцолдож байхаар улаан гараар үзсэн бол хүүхэд амьд байх байж
Сэтгэгдэл үлдээсэн: 2021-05-09 16:55:06

Зочин: 2018 он блгүй дээ. Юун 1918 он бэ.
Сэтгэгдэл үлдээсэн: 2021-05-09 16:54:36

Зочин: 2018 он блгүй дээ. Юун 1918 он бэ.
Сэтгэгдэл үлдээсэн: 2021-05-09 00:36:56

Маналсүрэн он сар нь 1918 оны 9-р сарын 27 ны өглөөнии 8цаг00болсон явдал: Нохойд уруулсан өдөо цагииг хүмүүс асууж байна энэ өдөр 1918 оны 9-р сарын 27 ны өглөөнии 8 цаг оо д болсон явдал удсан шалтгаан нь энэ хүнии хүн чанарь нь итгэж нилээн харсан нь минии алдаа.
Сэтгэгдэл үлдээсэн: 2021-05-09 00:21:25

Маналсүрэн: Одоогоос 2жил хагсиин өмнө УИХ иин гишүүн байсан ТЭРБИШДАВГА гуай 2 нохойд уруулсан юм Нэг нохой нь БуТЛЕР гадаад угсааны улаан нохой нөгөө нь тундриин цасны цагаан 2 нохойд дайруулах үед өглөөнии 8 цаг болж байсан энэ үед 2 нохой зэрэг хашаанаас гарч ирээд дайрхад би гэдрэгээ ухарч явсаар нуруугаараа чулуун дээр унасан би барьж явсан цүнхээ зогсолтгүй эргүүлж ноцолдож байтгаад цагаан нохойны хоншоорииг онож муухай гаслахад уг 2 нохой намайг орхисон юм энэ хугацаанд орилж бахираад байхад хэнч гарч ирээгүй энэ тухай удаа дараа мэдэгдэхэд гишүүн зөвлөхөө явуулж 500.000 төг өгөөд бараг 3 жил болоход нэг ч удаа утсаар ч болов миниибиеииг асуугаагүй. Одоо би бөхииж тонгойж юм хииж чаддаггүй маш их өвддөг хэвээршаналж явдаг хөгжлиин бэрхшээлтэй хүн болсон маш их гомдож явдаг. Тэр үед сахиур төрсөн дүү нь дараань уулзахад цонхоор би харж байсан ч огт шалдан бсан аас гарч очиж чадаагүй гэдэгт бас их гомддог минии эрүүл бсан нуруу 500. 000 төгрөгөөр үнэлж байгаан шүү дээ. Ганц удаа уучилал гуйгаагүй яриагүйд их гомдож явна даа. Тэр үед би ******** настай байсан иим л хүн дээТэрбишдавга гуай.
Сэтгэгдэл үлдээсэн: 2021-05-08 22:17:04

nohoi: nohoig ustgald oruul
Сэтгэгдэл үлдээсэн: 2021-05-08 14:26:15

Зочин: Аль хэдэн жилийн өмнө гарч байсан мэдээллийг хэргийн он сарыг нь тавихгүй дахин тавьсан байх юм. Уул нь бичвэл зөндөө л юм байх шиг байх юм. Яагаад ингэсэн юм болдоо.
Сэтгэгдэл үлдээсэн: 2021-05-08 09:55:17

sara: eooo.ymar aimaar yum be.ene nohoinuudiig bugdiig n ustga...bi nohoind ugaasaa durgui.aimaar yum.hunee huuhdee hairlaj chadahgui mglchuud yun nohoi tejeeh