Туулын хурдны зам түр хугацаанд зогсоогоод байгаа. Нийслэлийн Засаг даргын орлогч асан нь эхнэрийнхээ компанийн дансаар 5.5 тэрбумыг шилжүүлэн авсан зэргээр асуудал үүссэн. ЗГХЭГ-ын дарга нь “Эхнэрийнхээ дансаар мөнгө авсан нь тэнэг зориг. Хууль хяналтын байгууллагад байгаа гар, хөлтэй гэдэгтээ бардаад байдаг юм уу. Туулын хурдны зам бол нуль гэмт хэрэг байна лээ. Сонсголоор оруулна” гэж өчигдөрхөн мэдэгдлээ. Өөрөөр хэлбэл, Туулын хурдны замын асуудлаар мөн ч олон хүн хууль хяналтын байгууллагад дуудагдах нь тодорхой боллоо гэсэн үг л дээ.

        Туул гол дээгүүр 32 км хурдны зам барих 2.3 их наяд төгрөгийн тендерт “Chinа Hyway group limited” компани шалгарсан. Гэхдээ НЗДТГ-тай 2.3 их наяд төгрөгийн гэрээгээ “Хятадын хаоюань групп” нэрээр байгуулсан. Харин 2.3 их наяд төгрөгөө “Хятадын хаоюань групп”-ийн охин компани хэлбэрээр Монголд байгуулсан “Хаоюань женерал констракшн” ХХК-ийн дансаар авсан байдаг.  НЗДТГ-тай байгуулсан 2.3 их наяд төгрөгийн гэрээн дээрх “Хятадын хаоюань групп”-ийн 1207336 гэх регистрын дугаарыг Хонконгийн хуулийн этгээдийн бүртгэлийн сайтаас хайхаар “Chinа Hyway group limited” компанийн нэр гарч ирнэ. Өөрөөр хэлбэл, “Chinа Hyway group limited” компани НЗДТГ-тай 2.3 их наяд төгрөгийн гэрээ байгуулахдаа “Hyway” гэх нэрээ “Хаоюань” гэж өөрчилж орчуулсан гэсэн үг.

“CHINA HYWAY” ГРУППЫН САНХҮҮЖИЛТЭЭР МАЛАЙЗАД АМАРСАН НИЙСЛЭЛИЙНХНИЙ ХЭН НЬ ХЭН БЭ

       Тэгвэл “China Hyway” группын санхүүжилтээр НЗДТГ-ын мэргэжилтэн, албан хаагч, хэлтсийн дарга тэргүүтэй 10 гаруй хүн Малайз Улсад аялж, амарсан ноцтой баримтыг хүргэж байна. Тодруулбал, Нийслэлийн Замын хөгжлийн газрын Зам засвар, арчлалтын хэлтсийн дарга О.Энхбаатар тэргүүтэй мэргэжилтэнгүүд 2026 оны нэгдүгээр сарын 1-7-нд Малайз Улс руу нисэж, тансаг зэрэглэлийн зочид буудалд амарсан байна.

        Ингэхдээ хоногийн 1000 ам.доллараас дээш үнэтэй тансан зэрэглэлийн зочид буудалд амарчээ. Тэгээд ч зогсохгүй Улаанбаатараас Бээжингийн чиглэлд бизнес ангиллын суудлаар нисэж, дамжин хөөрсөн байгаа юм. Тэгвэл бид энэ удаад “China Hyway” группын санхүүжилтээр Малайзад амарсан НЗДТГ-ын ажилтнуудын хэн нь хэн бэ гэдгийг танилцуулж байна.

1. Очирын Энхбаатар- Нийслэлийн Замын хөгжлийн газрын Зам засвар, арчлалтын хэлтсийн дарга
2. Дэмбэрэлсүрэнгийн Баясгалан- Нийслэлийн Замын хөгжлийн газрын Материал шинжилгээ, туршилт, судалгааны хэлтсийн дарга
3. Даваанямын Тайван- Нийслэлийн Замын хөгжлийн газрын Зам барилга, инженерийн байгууламжийн хяналтын хэлтсийн Авто замын хяналтын мэргэжилтэн
4. Бат-Итгэлийн Түшиг-Эрдэнэ- Нийслэлийн Замын хөгжлийн газрын Зам барилга, инженерийн байгууламжийн хяналтын хэлтсийн Гүүрийн хяналтын мэргэжилтэн
5. Пүрэвдорж Чойжилжав- Нийслэлийн Замын хөгжлийн газрын Зам засвар, арчлалтын хэлтсийн Авто зам, замын байгууламжийн ашиглалт хариуцсан инженер
6. Гантөмөрийн Ундрам- Нийслэлийн Замын хөгжлийн газрын Зам засвар, арчлалтын хэлтсийн Өргөдөл гомдол хариуцсан ажилтан
7. Сэлэнгийн Эрдэнэбаатар- Нийслэлийн Замын хөгжлийн газрын Зам барилга, инженерийн байгууламжийн хяналтын хэлтсийн Геодезийн инженер
8. Уламнэмэх Шинэбаяр- Нийслэлийн Замын хөгжлийн газрын Зам барилга, инженерийн байгууламжийн хяналтын хэлтсийн Инженерийн байгууламж хариуцсан мэргэжилтэн
9. Жанчив Номундарь- Нийслэлийн Засаг даргын Тамгын газрын мэргэжилтэн
10. Лхасүрэнгийн Гандулам- Нийслэлийн Засаг даргын Тамгын газрын мэргэжилтэн
11. Төмөрсүхийн Батзориг- НЗДТГ-ын Газрын даргын шуурхай ажил хариуцсан мэргэжилтэн
12. Ууганбаяр Намуун- Нийслэлийн ЗДТГ-ын ахлах мэргэжилтэн нарын 12 хүн Малайз Улс руу явжээ.