БНӨСУ-аас ирсэн энхийг сахиулагч коронавирусийн халдвар авчээ. Энэ талаар ХӨСҮТ-ийн Тандалт судалгааны албаны дарга А.Амбасэлмаа “Аравдугаар сарын 31-нд эх орондоо ирсэн энхийг сахиулагчийн гурав дахь давтан шинжилгээнээс халдвар илэрлээ. Тус өдөр ирсэн 213 энхийг сахиулагчийн гурав дахь давтан шинжилгээг өчигдөр хийсэн” гэв. НҮБ-ын мандаттай энхийг сахиулах ажиллагааны IХ ээлжинд Судан Улсад үүрэг гүйцэтгэсэн манай улсын 850 алба хаагч ирснээс нэг хүнээс халдвар илэрсэн байна. Тэрбээр гуравдугаар ээлжээр буюу аравдугаар сарын 31-нд 213 энхийг сахиулагчийн хамт эх ороноо ирсэн байна. Тэднийг “Бага баян-Энхийн төлөө” цогцолборт тусгаарлаж байгаа аж. Одоогийн байдлаар 400 гаруй энхийг сахиулагч тусгаарлалт байгаа бөгөөд бусад нь гэртээ хариад байна.

Ташрамд дурдахад, Исламын Бүгд Найрамдах Афганистан Улсад үүрэг гүйцэтгэсэн 120 энхийг сахиулагч эх орондоо ирж чадахгүй гурван сар гацах хугацаандаа 60 гаруй энхийг сахиулагч коронавирусийн халдвар авсан байдаг.