• Өнөөдөр 2024-05-14

А.Амбасэлмаа: Сэлэнгэ аймагт коронавирусийн таван тохиолдол батлагдлаа

2020-11-17,   585

Эрүүл мэндийн яамнаас 18:00 цагаас коронавирусийн халдварын нөхцөл байдлын мэдээлэл хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа батлагдсан тохиолдлуудын голомтод авч хэрэгжүүлсэн арга хэмжээний талаар мэдээлэл өглөө. Тэрбээр “Нийслэлд халдвар тээгчийн хавьтлаас авсан  шинжилгээнд коронавирус илрээгүй. Энэ шинжилгээн дотор “Найрамдал” хүүхдийн зуслангийн 150 хүүхдийн тандалтын шинжилгаа багтсан болно. Сэлэнгэ аймгийн голомтод 150 хүнээс шинжилгээ авахад таван тохиолдол батлагдлаа. Энэ батлагдсан тохиолдолд нь 11:00 цагийн мэдээллээр хэлсэн түргэвчилсэн шинжилгээний хариу эерэг гарсан 22 хүний тав нь. Мөн түргэвчилсэн тестээр тус аймагт дахин 395 хүнд шинжилгээ хийхэд таван хүний хариу эерэг гарсан. Энэ шинжилгээг дахин баталгаажуулна. Түүнчлэн Дархан-Уул аймагт бүртгэгдсэн сэжигтэй тохиолдолд дахин шинжилгээ хийхэд хариу эерэг гарч, батлагдлаа. Ингэснээр Монгол Улсад коронавирусийн батлагдсан тохиолдол 440 боллоо. Өнөөдөр ХӨСҮТ-ээс нэг эдгэрч, дараагийн шатанд шилжлээ. Одоогийн байдлаар халдвар авсан иргэдийн 329 нь эдгэрээд байна. Улаанбаатар хотод 10, Сэлэнгэ аймагт ес, Дархан-Уул аймагт нэг гээд нийт дотоодын халдвар 20 боллоо” гэлээ.


А.Амбасэлмаа: Сэлэнгэ аймагт коронавирусийн таван тохиолдол батлагдлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.