Эрүүл мэндийн яамнаас коронавирусийн халдварын нөхцөл байдлын талаар 11:00 цагаас мэдээллээ. Нөхцөл байдлын талаар ХӨСҮТ-ийн тандалт судалгааны албаны дарга А.Амбасэлмаа “Арваннэгдүгээр сарын 15-нд таван газарт 1118 хүн шинжилгээ хийхэд гурван хүнээс халдвар илэрлээ. “Энхсаран” сувилалын нэг үйлчлэгчээс халдвар илэрсэн. Мөн голомт халдварын ойрын хавьтлуудаас халдвар илрээгүй. Харин Сэлэнгэ аймагт илэрсэн халдварын ойрын нэг хавьтлын шинжилгээний хариу эерэг гарлаа. ХӨСҮТ-д 4-74 насны иргэд эмчлүүлж байна. Эмчлүүлж байгаа иргэдийн биеийн байдал сайн байгаа бөгөөд Сэлэнгэ аймгаас ирсэн 74 настай иргэний биеийн байдал хүнд байсан ч өнөөдрөөс сайжирч эхэлж байгаа” гэлээ. Мөн тэрбээр "15 багийн эмч нар голомтод ажиллаж байна. Халдвар авсан эмч нарын хувьд хоёр багийн эмч нар байсан. Мөн "Энхсаран" сувилалд арваннэгдүгээр сарын 6-нд анхны халдвар илэрсэн. Үүнээс хойш 45 тохиолдол илрээд байна. Мөн халдвар илэрхээс өмнөх 14 хоногийн хугацаанд ажилсан ажилчдыг олж тогтоон тусгаарласан. Тэдгээр ажилчид нь Өмнөговь зэрэг гурван аймагт очсон байна лээ " хэмээлээ.