Монгол үндэстний соёл, урлаг, түүх, зан заншил, уламжлалыг суугаа оронд сурталчлан таниулах, Монгол судлалыг хөгжүүлэх зорилтын хүрээнд хийж байгаа билээ. Монгол Улсаас Бүгд Найрамдах Беларусь Улсад суугаа Элчин сайдын яам 2026 оны долдугаар сарын 31-ний өдөр “Монголын нэг үдэш” арга хэмжээг ЭСЯ-ны байранд зохион байгуулав.

   Монгол Улсаас Бүгд Найрамдах Беларусь Улсад суугаа Онц бөгөөд Бүрэн эрхт Элчин сайд Г.Байгалмаа гурав дахь удаа зохион байгуулагдаж буй уг арга хэмжээг нээж хэлсэн үгэндээ, Монгол, Беларусийн уламжлалт найрсаг харилцаа, хамтын ажиллагаа бүхий л салбарт идэхтэй хөгжиж байна. Хоёр улсын соёлын хамтын ажиллагаа нь манай ард түмнүүдийн харилцан ойлголцол, найрамдлыг бэхжүүлэх чухал, амьд хүчин зүйл болж ирснийг онцлов. Элчин сайд хүрэлцэн ирсэн зочид төлөөлөгчдөд талархал илэрхийлж, дурсамж дүүрэн өнгөрүүлэхийг хүсэв.

    Тус арга хэмжээнд Беларусь Улсын хэвлэл мэдээлэл, боловсролын байгууллагуудын 15 зочин, төлөөлөгч оролцсон бөгөөд ЭСЯ-ны зүгээс Монгол Улсын нийгэм, эдийн засгийн өнөөгийн байдлыг танилцуулав. Мөн монгол зон олны уламжлалт тоглоом болох шагайн наадгай, морин хуур болон монголын нэрт зохиолчдын ном, товхимлуудыг танилцуулж, зочдыг монгол үндэсний хоол, ундаар дайлав. МУИС-ын Шинжлэх ухааны сургуульд 2025-2026 оны хичээлийн жилд “Монгол хэлний бэлтгэл хөтөлбөр”-т хамрагдан амжилттай дүүргэсэн Беларусь Улсын иргэн М.А.Топольчан тус арга хэмжээнд уригдан оролцож, Монгол Улсын талаар өөрт төрсөн сэтгэгдлээ хуваалцав.