Хятадын Өвөр Монголын Өөртөө Засах оронд дэлхийн анхны “нүүрстөрөгчийн тэг ялгаралттай нисэх онгоцны буудал” байгуулагджээ. Дэлхийн анхны нүүрстөрөгчийн тэг ялгаралттай нисэх онгоцны буудлын технологийн үр дүнг танилцуулах хурал долоодугаар сарын 25-ны өдөр Өвөр Монголын Ордос хотод болов.

    Ордос хотын Эзэн Хороо Олон улсын нисэх онгоцны буудлын нийт нүүрстөрөгчийн цэвэр ялгаралт “тэг нүүрстөрөгчийн нисэх онгоцны буудал”-ын стандартад хүрснээр дэлхийн анхны ийм нисэх онгоцны буудал болсныг мэргэжлийн үнэлгээгээр нотолжээ.

    Өдгөө тус нисэх онгоцны буудлын эрчим хүчний хэрэглээний 90 гаруй хувийг цэвэр эрчим хүч эзэлж, жилд салхи, нарны эх үүсвэрээс үйлдвэрлэсэн 21 сая гаруй кВт.ц цахилгаан хэрэглэж байна. Мөн халаалт, хөргөлтийн системийн жилийн эрчим хүчний хэрэглээг 60 хувиар, ашиглалтын зардлыг 50 хувиар бууруулж, жил бүр 2.6 сая шоо метр байгалийн хий хэмнэдэг болжээ.

          Эх сурвалж “Анд” студи.