Г.Золзаяа жүжигчнийг “Гэм зэм” жүжгийн Соняг бүтээхэд нь үзээд ЗОЛОО БА СОНЯ гэж бичиж байсан бол энэ удаад түүний дэлгэцийн дүрүүдийг онцолсноо уншигч танд хүргэж байна. Тэрбээр яг одоо “Амьдралд хайртай” киноны Сараагийн дүрээр үзэгчидтэйгээ уулзаж байна.г Сараа хүүхдээ алдаж, түүнээсээ болж сэтгэлээр унаж архинд ордог. Гэхдээ ээж нь байхаас гадна үнэнч итгэлт сайн нөхөртэй. Тиймдээ ч амьдралд алдсан ч онож, бүгдийг ойлгож мөн чаддаг нэгний дүрийг бүтээж. 

        Үзэгчид мэднэ дээ, “Шүрэн бугуйвч” киноны дурлалт бүсгүй дүрийг нь. Хуримын цагаан даашинзтай зам даган гүйхдээ тэр амьдралд хүнд юу чухлыг мэдэрч, ойлгодог. Үл ойлголцол мэдээж амьдралд тохиолдох зүйл. Гэсэн ч учрыг нь тайлдаг, жинхэнэ мөн чанарыг нь мэдэх нь бүхнээс чухал. Үүнийг эл бүтээл бидэнд хэлж өгдөг. Золоогийн анхны дүрүүдийн нэг, ийм нэг чадварлаг уран бүтээлч буйг найруулагч Д.Амар Намуунаагаар үзэгчдэд танилцуулж, дараагийн олон ч бүтээлийнх нь замд хүргэж өгсөн. 

    Мэдээж тэр “Хуримын сюрприз”, “Миний хайр”, “Төлөөс”, “Галзуу дурла” гэхчлэн олон киноны дүрд тоглосон бөгөөд цөм даруухан дөлгөөн дүрээс нь тэс ондоо, түүнийг өөрөөр харуулж, тодотгосон дүрүүд.