Монгол Улсын Гавьяат тамирчин Э.Цэндбаатар өчигдөр мэргэжлийн боксын анхны тулаанаа хийж, WBA холбооны Азийн аваргын бүсийн төлөөх тулаанд ялалт байгуулсан билээ. Тэрбээр мэргэжлийн боксын замналдаа зургаан удаа ялж, ганц ч ялагдал аваагүй байгаа ОХУ-ын боксчин Сослан Баевтай тулалдсан юм.

Тулааны дүнг зарлаж, ялагчийн гарыг өргөхөөсөө өмнө шүүгч “Ялалт хэнийх нь тодорхой шүүлт байлаа” хэмээн онцлон хэлсэн юм. Өөрөөр хэлбэл, манай тамирчин Э.Цэндбаатарыг эргэлзэх зүйлгээр ялсан хэмээн онцлон хэллээ.

МУГТ Э.Цэндбаатарт хаяглаж, байр хүргэсэн олон түмэндээ тэрбээр цахим хуудсаараа дамжуулан баярлаж, талархсан гэдгээ илэрхийлсэн байна.

Тэрбээр “Намайг дэмжиж, надад урмын үг хайрласан та бүхэндээ баярлалаа. Маш их баяртай байна. Ивээн тэтгэсэн байгууллага, хамт олондоо талархаж байна. Гэр бүлийнхэдээ маш их хайртай шүү. Ирэх хоёрдугаар сард дахин тулалдаан хийнэ. Бэлтгэлээ сайн хийж, тулалдаандаа амжилт үзүүлэх болно. Мэргэжлийн боксын бүх бүсийг авахыг хүсэж байна" гэлээ.