УИХ-ын гишүүн П.Сайнзориг нарын гишүүдийн өргөн мэдүүлсэн Улсын бүртгэлийн ерөнхий хуульд нэмэлт оруулах тухай хуулийн төслийг энэ хаврын чуулганаар хэлэлцэнэ.  Хуулийн төсөл нь орон сууцны захиалгын үйл ажиллагааг ил тод болгох, нэг байрыг давхардуулан худалдах эрсдэлийг бууруулах гэнэ.

    2026 оны наймдугаар сарын 20-ны өдрийн байдлаар орон сууцны залилангийн улмаас 3111 иргэн хохирогч болж, хохирлын хэмжээ 107.7 тэрбум төгрөгт хүрээд байна. Энэ бол зөвхөн хөрөнгө мөнгөний асуудал биш. Энэ бол олон мянган иргэний хөдөлмөр, мөрөөдөл, сэтгэл зүй, цаг хугацаатай холбоотой асуудал билээ. Хууль амьдралд бодитоор хэрэгжиж, иргэнээ хамгаалдаг байх учиртай гэдгийг УИХ-ын гишүүд ярьж байгаа юм.

    Иргэдийг орон сууцны захиалгын гэрээ байгуулахаасаа өмнө хэрэгцээт мэдээллээ нээлттэй шалгах боломжийг хуулиар бүрдүүлэхэд чиглэж байна. Эрх зүйн шинэчлэлийн зорилго бол залилан гарсны дараа шийдвэрлэх бус, залилан гарахаас нь өмнө урьдчилан сэргийлэх тогтолцоог бүрдүүлэх аж. Нээлттэй парламент иргэдийнхээ эрх ашгийг хамгаалсан, иргэддээ ээлтэй энэ мэт эрх зүйн шинэчлэлийг намрын чуулганаар хэлэлцэн шийдвэрлэхийн төлөө ажиллана гэв.