Арабын Нэгдсэн Эмират Улсын Уур амьсгалын өөрчлөлт, байгаль орчны сайд Амна Бинт Абдуллах Аль-Дахактай уулзлаа. Уулзалтаар уур амьсгалын өөрчлөлтийг сааруулах, цөлжилт, газрын доройтолтой тэмцэх, сэргээгдэх эрчим хүчний хэрэглээг нэмэгдүүлэх, байгальд түшиглэсэн шийдлийг хөгжүүлэх чиглэлээр хамтын ажиллагааг өргөжүүлэх талаар санал солилцов.

   Мөн усны асуудлаарх олон улсын хамтын ажиллагааг хөгжүүлэхийн ач холбогдлыг онцлов. 2026 оны арванхоёрдугаар сард Абу Даби хотноо зохион байгуулагдах НҮБ-ын Усны асуудлаарх бага хуралд Монгол Улс өндөр түвшинд оролцохоор төлөвлөж буйгаа тэмдэглэлээ. Цаашид Монгол Улс, АНЭУ-ын харилцаа, хамтын ажиллагааг улс төр, эдийн засаг, хөрөнгө оруулалт, байгаль орчин, аялал жуулчлал, боловсрол, соёл, хүмүүнлэгийн салбарт улам өргөжүүлэн хөгжүүлэхийн төлөө хамтран ажиллана.