“Хөдөө аж ахуйн бага, дунд хүчин чадлын техник, тоног төхөөрөмж, төвийн бүсийн төсөл”-ийн хүрээнд, улсын төсвийн хөрөнгө оруулалтаар, төвийн бүсээс сонгогдсон УИХ-ын гишүүдийн дэмжлэгтэйгээр Сэлэнгэ аймгийн 16 суманд 105 морины хүчтэй “Lovol” трактор, хадлангийн иж бүрдэл гардуулан өглөө.

    УИХ-ын гишүүн Д.Батбаяр, Ц.Туваан, С.Эрдэнэболд нар техник хэрэгслийг сумдын төлөөлөлд хүлээлгэн өгсөн байна. Тус арга хэмжээнд Сэлэнгэ аймгийн Засаг даргын орлогч Ж.Сайнцог, ХХААГ-ын дарга Б.Мөнхтөр болон 16 сумын удирдлага, төлөөлөл оролцлоо.

    Тус трактор нь хаврын тариалалт, намрын ургац хураалт, уринш боловсруулалт, хадлан тэжээл бэлтгэхээс гадна зуд, шавар ус зэрэг гамшиг, хүндрэлтэй нөхцөлд ашиглах олон талын зориулалттай техник юм. Мөн трактор бүр хоёр жилийн баталгаат хугацаатай бөгөөд энэ хугацаанд эвдрэл, гэмтлийн засвар үйлчилгээ, тос, масло солих зэрэг техникийн үйлчилгээг үзүүлэх юм.