Дэлхийн банкны Монгол Улс дахь суурин төлөөлөгч Викториа Делмон үүрэгт ажлаа хүлээн аваад байгаатай холбогдуулан Сангийн сайд З.Мэндсайхан хатагтай Делмоныг хүлээн авч уулзлаа.Уулзалтын хүрээнд Сангийн сайдын зүгээс суурин төлөөлөгчийг Монгол Улсын Засгийн газартай ойр хамтран ажиллахын зэрэгцээ хувийн хэвшлийн салбарт онцгойлон анхаарахыг хүслээ.

    Хатагтай Делмон группийн бүтцийн өөрчлөлтөөр “Олон улсын сэргээн босголт, хөгжлийн банк”, Олон улсын хөгжлийн ассоциаци, Олон талт хөрөнгө оруулалтын баталгааны агентлагаас гадна тус банкны хувийн хэвшлийн салбарыг хариуцсан байгууллага болох Олон улсын санхүүгийн корпорацыг төлөөлж ажиллах болсноо дуулгав.