“Дарханы төмөрлөгийн үйлдвэр” ХХК нь нийгмийн хариуцлагын хүрээнд төрийн болон төрийн бус байгууллагуудтай хамтран ажиллаж, боловсрол, эрүүл мэнд, спорт, орон нутгийн хөгжилд чиглэсэн төсөл, арга хэмжээг хэрэгжүүлэн ажиллаж байна. Тус үйлдвэр нь 2025 онд боловсрол, спорт, орон нутагтай хамтран ажиллах чиглэлээр нийт 3.1 тэрбум төгрөг зарцуулсан бол 2026 оны эхний хагас жилийн байдлаар нийт 2.7 тэрбум төгрөгийн төсөл, арга хэмжээг хэрэгжүүлжээ.

    Энэ хүрээнд Дархан-Уул аймгийн Нэгдсэн эмнэлгийн тоног төхөөрөмжийн шинэчлэл, Хонгор сумын мини хөл бөмбөгийн талбайн барилга, ШУТИС-ийн Дархан-Уул аймаг дахь Технологийн сургуульд инженерийн хөтөлбөр, мөн сагсан бөмбөг, волейбол, шайбтай хоккейн багуудын үйл ажиллагааг дэмжих зэрэг ажлыг хэрэгжүүлж байна.

    Цаашид Сэлэнгэ аймгийн Хүдэр сумын биеийн тамир, спортын цогцолбор, Монгол-Германы хамтарсан Ашигт малтмал, технологийн их сургуулийн оюутнуудын сургалтын төлбөрийн дэмжлэг, нийгмийн даатгалын цахим үйлчилгээний хүртээмжийг нэмэгдүүлэх зэрэг төсөл, арга хэмжээг дэмжин ажиллахаар төлөвлөжээ. Ийнхүү “Дарханы төмөрлөгийн үйлдвэр” ХХК нь үйлдвэрлэлийн үндсэн үйл ажиллагааны зэрэгцээ нийгмийн хариуцлагаа хэрэгжүүлж, боловсрол, эрүүл мэнд, спорт, орон нутгийн хөгжилд чиглэсэн бодит хөрөнгө оруулалтыг хийж байна.