“Шим Агро Ферм” ХХК нь Швейцар Улсын “Swissgenetics” компанийн төлөөлөгчдийг Монгол Улсад хүлээн авч, албан айлчлал, уулзалтыг амжилттай зохион байгууллаа. 1960 онд байгуулагдсан “Swissgenetics” нь үхрийн үржил селекц, генетикийн сайжруулалт, зохиомол хээлтүүлэг, бухын гүн хөлдөөсөн үр болон үр хөврөлийн үйлдвэрлэлээр мэргэшсэн, олон улсын нэр хүнд бүхий байгууллага юм.

    “Шим Агро Ферм” ХХК нь тус байгууллагатай 2019 оноос хамтын ажиллагаагаа эхлүүлсэн байна. Энэ удаагийн уулзалтаар дараах чиглэлүүдэд урт хугацаанд хамтран ажиллах боломж, цаашдын зорилтын талаар санал солилцлоо. Үүнд Монголын сүүний чиглэлийн үхрийн генетикийн чанар, ашиг шимийг сайжруулах. Өндөр ашиг шимтэй Швейцарын “Brown Swiss” үүлдрийн үхрийг Монгол орны нөхцөлд нутагшуулах юм.

   Орчин үеийн нөхөн үржихүйн биотехнологийг нэвтрүүлэх. Үр хөврөл шилжүүлэн суулгах технологийг хөгжүүлэх болно. Технологи, мэдлэг, туршлагыг харилцан дамжуулах аж. Салбарын мэргэжилтнүүдийг сургаж, чадавхжуулах юм. Энэхүү уулзалт нь Монголын сүүний үхрийн аж ахуйн генетик нөөцийг сайжруулах, үржил селекцийн ажлыг шинэ шатанд гаргахаар ярилцав. Мөн малын ашиг шимийг нэмэгдүүлэхэд чиглэсэн урт хугацааны, тогтвортой түншлэлийг улам бататгасан чухал үйл явдал боллоо.