УИХ-ы гишүүн Ц.Туваан мэдээлэл өглөө. Тэрбээр “Монгол улс импортын асар өндөр хамааралтай улс учраас валютын ханшнаас маш их зүйл хамаардаг. Үүнийг барих үүрэг нь Засгийн газар  болон Монгол банканд байдаг. Энэ хоёр зүйлийг нэг зэрэг нөхөж чадах зүйл бол алт юм. Дотооддоо алтыг худалдаж авах, цааш нь худалдах эрх зөвхөн Монгол банканд байдаг. Тэгэхээр Монгол банк төгрөгөөр аж ахуйн нэгж болон иргэдээс алтаа худалдаж аваад цааш нь валютаар зарж, тэр валютаа оруулж ирж валютын нөөцөө нэмэгдүүлдэг. Өнөөдрийн хувьд алт маш чухал болоод байна. Өнөөдрийн хүнд үед ганц гялтайх юм нь л АЛТ байна. Валют 3-хан сарын нөөцтэй, долларын ханш өсч, монгол төгрөг суларч байна. ЗГ-аас алтны үндсэн ордуудыг эргэлтэд оруулах тогтоолын төслийг яаралтай оруулж ирэх шаардлагатай Өнгөрсөн засгийн газар “Алт 3” аяныг баталсан. Алтны шороон ордын хэмжээнд бол ажлын хэсэг нь хоёр яам хамтарсан ажлын хэсэг байгуулаад энэ хуулийн хүрээнд засаж залруулах зүйл байвал засах бүрэн эрх нь байгаа. Ашиглах болон ашиглагдаж байгаа үндсэн ордууд олон байгаа боловч тусгай хамгаалалтай газрын хил заагт орсон гэх шалтгаанаар оруулах болон гаргах бүрэн эрх УИХ-д байгаа. Энэ шалтгаанаар “Алт 3” аян гацчихаад байгаа” гэв.