Африк тивд анх удаа зохион байгуулагдах “Дакар-2026” залуучуудын зуны IV олимпын наадамд оролцох Монголын баг тамирчдын бэлтгэл ажил, оролцооны талаар зохион байгуулагчид болон холбогдох албаны төлөөлөлтэй уулзлаа. Энэ удаагийн наадам 2026 оны аравдугаар сарын 31-нээс арваннэгдүгээр сарын 13-ны өдрүүдэд Бүгд Найрамдах Сенегал Улсын Дакар, Диамниадио, Сали хотуудад зохион байгуулагдана. Дэлхийн 204 орны 15–17 насны 2700 орчим тамирчин спортын 25 төрөлд өрсөлдөх юм. Манай улсаас спортын зургаан төрөлд нийт арван тамирчин оролцох эрхээ аваад байна.