Тайвань Улс коронавирусийн халдварыг барьж чадсан цөөхөн орны нэг билээ. 23 сая хүн амтай тус улсад цар тахал гарснаас хойш 1682 хүнээс халдвар илэрч, 12 хүн нас баржээ. Тэгвэл сүүлчийн өдрүүдэд халдварын тохиолдол ихсэж, нэг өдөрт 207 хүнээс халдвар илэрчээ. Тайвань Улсын эрх баригчид цар тахал нэмэгдэж буй тул улс даяар хатуу хөл хорио тогтоожээ. Кино театр болон олон нийтийн газрыг хааж, дотор таван хүн, гадаа арван хүн цуглаж болно гэж мэдэгдсэн байна.

Тайвань Улс коронавирусийн халдварыг хязгаарлаж чадсан нь хөл хориог цаг алдалгүй тогтоож, аялал жуулчлалыг зогсоосонтой холбоотой хэмээн мэргэжилтнүүд үзэж байна.