Энэтхэгт өдөрт бүртгэгдэх коронавирусийн халдварын тоо 400 мянганд дөхөж, мэргэжилтнүүд санаа зовж байсан бол сүүлчийн өдрүүдэд халдварын тоо буурах хандлагатай болжээ. Тус улсын Эрүүл мэндийн яам “Нэг өдөрт 343144 хүнээс коронавирусийн халдвар илэрлээ” хэмээн мэдээлжээ. Энэ нь өнгөрсөн пүрэв гарагтай харьцуулахад халдварын тоо 20 мянгаар буурсан байна. Гэвч цар тахлын улмаас нас барах хүний тоо 4000 давсан хэвээр буй бөгөөд мэргэжилтнүүд нас барсан хүний бодит тоо хавьгүй илүү байх магадлалтай хэмээн анхааруулж байна.

Энэтхэгт энэ долоо хоногт 1.4 сая хүн халдвар авч цар тахал гарснаас хойш нийт 24.5 сая хүн коронавирусийн халдвар авчээ.