ОХУ-ын Эрүүл мэндийн ажилтнууд өнгөрсөн пүрэв гарагт “Sputnik V” вакцины нэг тунг тарьхад дархлал тогтдог вакциныг бүртгэж авснаа зарлалаа.  

Мэргэжилтнүүд тус мэдэгдэлдээ “Вакцины нэг тарилга нь 79.4 хувийн эерэг нөлөө үзүүлсэн бөгөөд хоёр дахь тун нь 91,6 хувийн эерэг нөлөө үзүүлж байна” гэжээ.

Уг судалгааг дархлаажуулалтын хөтөлбөрийн хүрээнд буюу өнгөрсөн оны арванхоёр дугаар сарын 5-наас энэ оны дөрөвдүгээр сар хүртэлх хугацаанд хийжээ. ОХУ-ын тус вакциныг одоогоор дэлхийн 60 оронд хүлээн зөвшөөрөөд буй бөгөөд 20 сая хүн анхны тунгаа тариулаад байна.