ОХУ-ын Статистикийн газраас гаргасан судалгаагаар цар тахал эхэлснээс хойш буюу 12 сарын хугацаанд 460 мянга гаруй хүн нас баржээ хэмээн мэдээлжээ.

2021оны эхний үеэс тус улсад коронавирусийн халдварын тоо багассан боловч жилийн өмнөх үетэй харьцуулахад нас баралт 25 хувиар өссөн байна. ОХУ-ын албан ёсны нас баралтын тоо болон судалгааны тоо зөрүүтэй гарч байгаа аж.

Албан ёсоор 167 мянган хүн нас барсан хэмээн тэмдэглэсэн бөгөөд 83 мянган хүн коронавирусийн халдвартай нас барсан ч халдвар үхлийн шалтгаан нь биш гэж тэмдэглэсэн байна. Гэвч статистикийн газраас гаргасан судалгаанд үнэмлэхүй зөрүүтэй тоо гарчээ.

ОХУ-д халдварын тохиолдол ахин ихсэх хандлагатай байгаа бөгөөд коронавирусийн гурав дахь давлагаа эхэлж байна гэж үзэж буй аж. Бямба гарагт ОХУ-д 9270 хүнээс халдвар илэрчээ.