Коронавирусийн эсрэг Пфайзер, АстраЗенека вакцины нэг тун хийлгэсэн байхад гурав хүний хоёрт нь буюу 65 хувийн эерэг нөлөө үзүүлж байна гэв. Мөн вакцин нь коронавирусээр хүндээр өвчлөх магадлалыг бууруулж буй аж.

Судалгаанд вакцины эхний тунг хийлгэсэн 35 мянган сайн дурын хүн оролцсон бөгөөд 21 хоногийн хугацаанд 65 хувийн эерэг нөлөө үзүүлж байна гэсэн судалгаа гарчээ. Харин хоёр дахь тунг хийлгэсний дараа коронавирусээр хүндээр өвчлөх магадлалыг 100 хувь бууруулж, халдвараас 95 хувь хамгаалж чадна гэж үзжээ.